Morgon og kveld

På Nationaltheatrets hjemmeside står blant annet dette om Morgon og kveld:

"Jon Fosses kritikarroste roman Morgon og kveld handlar om Johannes. Om fødselen hans, livet og døden - eit streif av korleis det er å vere eit enkelt menneske på jorda. Vi trer inn i verda til Johannes som han sjølv gjorde det, gjennom fødselen og den første augeblinken han er lausriven frå mora. I inngangen til livet - morgon - og utgang - kveld - møter vi opplevingar og refleksjonar eit menneske har rundt livet og døden. For dette er ei framsyning om dei store universelle temaa, om tru, tvil, vennskap, einsemd, lengsel, redsel og kjærleik.

Skodespelar Anne Marit Jacobsen har ein stor kjærleik til Jon Fosses litteratur - og det er denne kjærleiken som no får romanen til scena. Regien er ved Fosses sambygding Hildegun Riise. Jacobsen og Riise nærmar seg det poetiske landskapet til Fosse i dialog med nykomponert musikk av felespelar Benedicte Maurseth. Morgon og kveld er ei av Anne Marit Jacobsens mange monologframsyningar ved Nationaltheatret, framsyningar som har begeistra både kritikarar og publikum.

Av den sterke litteraturen lærer ein å døy, ikkje å leva, har Jon Fosse uttalt. Og av Morgon og kveld kan vi kanskje gjere begge delar. Romanen fekk strålande kritikkar då han kom ut i 2000. Han blei kåra til éin av dei 25 beste norske romanane frå dei 25 siste åra og blei nominert til Nordisk råds litteraturpris."

KILDER:

Nationaltheatret, http://www.nationaltheatret.no/Morgon+og+kveld.b7C_wRrU0H.ips / 11.01.2019, https://forest.nationaltheatret.no/Productions/Details/c04eaf22-1ea4-4340-8519-7cbb13d2a783

Nasjonalbiblioteket, forestillingsprogram overlevert Sceneweb 31.05.2018

Import fra premierelisten på Scenekunst.no 19.01.2015