Dette barnet

På Det Norske Teatrets hjemmeside står blant annet dette om Dette barnet:

"Gjennom ti novelleaktige scenar frå ulike familiar får vi innblikk i det mangfaldige forholdet mellom barn og foreldra deira.

Alle er nokon sine barn. Kvar familie har ei historie. Kvart nye barn, kvar nye familie ber i seg eit håp om ei lys framtid og ein draum om eit betre liv. Eit barn kan vere ein måte å realisere seg sjølv på, eit uhell eller eit sterkt ønske. Bandet mellom barn og forelder er evig. Verkelegheita er sjeldan slik ein drøymer om, men kan ha mange - eller færre - lykkelege augeblikk. Å oppdra eit barn er som å støype i sand: Du kan prøve å forme det i ditt bilde, sette ditt preg på det. Men det blir ofte ikkje slik du hadde sett for deg, og kan lett gå i sundt.

(...)

I ei blokk finn ein allslags menneske og familiar. Da den franske dramatikaren Joël Pommerat i 2002 fekk i oppdrag av ein familieverninstitusjon i Normandie å skrive eit teaterstykke om kva det vil seie å vere forelder, tok han utgangspunkt i ei bustadblokk i dette distriktet. Manuset er basert på ein serie intervju med familiar, i tillegg til tekstar inspirerte av andre forfattarar, og viser ein oppsiktsvekkande realisme. I 2006 fekk Pommerat den franske kritikarprisen for stykket, som seinare er oppført både på familieverninstitusjonar og scenar i mange land."

KILDER:

Det Norske Teatret, www.detnorsketeatret.no, 03.01.2019, https://www.detnorsketeatret.no/framsyningar/dette-barnet/

Nasjonalbiblioteket, forestillingsprogram overlevert Sceneweb, 22.09.2020