Den siste kongsfesten

På Det Norske Teatrets hjemmeside står blant annet dette om Den siste kongsfesten:

"Kva skjer når fortida kjem for å ta deg? Når dei daude står opp for å ta fatt på dei uløyste oppgåvene og historia gjentar seg igjen og igjen? Den siste kongsfesten går føre seg i ein liten by i det austerriksk-ungarske dobbeltmonarkiet. Skota i Sarajevo ligg eitt år tilbake i tid og Den første verdskrigens brutalitet omkransar festplassen der byens borgarar har samla seg til den årlege hausttakkefesten til ære for landets store helgenkonge, Sankt Stephan. Her møtest alle som likeverdige og kastar seg ut i feiringa. Blant desse er Janez (Oddgeir Thune) som har fridd til Anka (Charlotte Frogner) og fått nei. Fortvila og full henger han seg i byens bordell.

Gjengangarar

Men Janez nektar å gi opp. Han har lyst på henne og må berre prøve ein gong til. Som ein levande død kjem han gåande tilbake til festen, klar for ein ny runde. Der hamnar han straks i eit trekantdrama, og må sjå seg slått igjen. Det som skal vere ei folkeleg feiring med gateseljarar, sirkus og drikkeboder blir i staden skildra som ei grotesk verd på veg utfor stupet."

Prosjektet er ein del av ETC-prosjektet Drama Goes Digital, der Det Norske Teatret samarbeider med Nasjonalteatret i Kroatia, Hrvatsko Narodno Kazalište i Zagreb, og forskar i ny teknologi. Erik Ulfsby skal på same tid og som ein del av det same prosjektet setje opp Peer Gynt i Zagreb.

KILDE:

Det Norske Teatret, 02.11.2017, detnorsketeatret.no, https://www.detnorsketeatret.no/framsyningar/den-siste-kongsfesten/