Dragonblood

På hjemmesiden til Det Norske Teatret stod det bl.a.:

16. og 17. september: Team Rolfes’ 321 Rule, Kevin Peter He & DJ Trick (US)

Desse visjonære kunstnarane frå New York har samarbeidd med toppnamn som Blackpink, Lady Gaga og Metallica, og har revolusjonert underhaldningsbransjen med sine klubb-teaterframsyningar i sanntid med fokus på virtuell røynd.

Saman med Rolfes-brørne vil Kevin Peter He og DJ Trick ta med seg sitt unike, klubb-inspirerte audiovisuelle uttrykk til scenen, og gjere 321 RULE: LIVE til ei oppleving du ikkje vil gløyme.

Ikkje gå glipp av denne elektriske samansmeltinga av satire, musikk og banebrytande teknologi.

18. september: YOHAN - Music of the Mind

Guruen Yohan har reist verda (og verder) rundt for å hjelpe folk med å forstå seg sjølve betre, men også å sette pris på det som er viktig i livet - og å leike når ein kan. Han inviterer til ein kveld med gode samtalar og engasjerande tankekors. Alt med tonar frå Yohans musikalske univers - som kanskje ikkje er hans aller sterkaste side - men det er ikkje så viktig. Dette er første gang han syner fram musikken sin. Han gruer seg nok litt, men aller mest gler han seg til å møte alle saman.

19. september: DRAGON CONCERT - DRAGONGIRL, NEKO3 & ONLY SLIME

I ein post-apokalyptisk skog der åndar talar gjennom eit oppslukande anime-black metal-rituale – ei operatisk iscenesetjing av folketru og dystopi, som gir gjenklang i ruinane av ei spekulativ, aude framtid, manar BLACK MAGIC fram visjonar om ein ny tidsalder.

Verket utforskar rituelt teater, autotuna vokal, midi-trommer, fiolin og el-gitar – der kvar lyd og kvart brøl styrer visuelle element i sanntid gjennom Unreal Engine. Avatarar glitchar, skogar brenn, og daude relikviar flimrar til live. Publikum blir dregne inn i ein levande, hybrid seremoni der fantasi, kjønnsflyt og digital natur smeltar saman.

Dei digitale musikk-krigarane NEKO3 (DK) framfører sitt svartmetall-rituale Black Magic. Dragongirl spelar bangers frå ei framtid der drakar og maskiner lever side om side. ONLY SLIME supplerer med sine hyperpop-glitch-metal-cyber-hymner og heilt ferske medievalcore-slagarar.

DRAGONGIRL

Komponist, produsent og DJ dragongirl, som held til i København, arbeider i skjeringspunktet mellom klubbmusikk, samtidsmusikk og scenekunst. Universet til dragongirl er inspirert av mellom anna litterær fantasy, skrekkfilmar, dataspel og klubbkultur. Ho er oppteken av korleis musikk kan byggje verder, skape rom, få fram ei eiga form for taktilitet og setje kroppen i ulike tilstandar. Dette utforskar ho på debutalbumet sitt – lydreise- og klubb-eventyret hot blue. Sjølv om musikken hennar ofte blir skildra som apokalyptisk, er han ikkje dystopisk av natur, men bringer fram håp og lys. Med suggererande og stemningsfulle tonar arbeider ho mot ei framtid der drakar og maskiner lever side om side.

Dragongirl har spelt live på festivalar som Øya, By:Larm og UKA, og DJ-ar over heile Nord-Europa. Ho har arbeidd tverrfagleg med mellom andre Nikima Jagudajev, Marie Ursin, Runa Borch Skolseg, Fredrik Floen og Heiki Riipinen.

20. september: The Frida Marida Show

Gjennom musikk, dans og sterke scenebilete utforskar ho identitet, forvandling – og fridomen til å leve utan etikettar.

Med røter i klassisk song, elektronika og arabisk pop, skapar Frida eit lydunivers der elektronisk musikk gøymer nakne brystvorter, slagverk blir spelt på hofter og lår, og kostyme lagar lyd – eit sanseleg smell!

The Frida Marida Show er ei vill blanding av musikk, drag, teknologi og forteljing. Med nye låtar, klassikarar i ny drakt med mellomaustleg vri, og gjestar som Cvntess og Cyber Candy, byr showet på ei reise gjennom språk (arabisk, engelsk, fransk, norsk og ukrainsk), rørsle og sjølve livet.

Til slutt står berre eitt spørsmål igjen:

Er dette Frida sitt siste dragshow?

23. september: The Scorpios

The Scorpios er eit koreografkollektiv som består av Sunniva Moen Rørvik, Vetle Springgard og Malene Juliussen. Saman spenner dei over eit breidt spekter av uttrykk – frå folkedans til drag, via samtidsdans og teater – og blir foreint i interessa for rørsle, stand-up, sterke meiningar, underhaldning og horoskop.

4. oktober: Thea Grant

Thea Grant har turnert og gitt ut musikk med ulike band og samarbeidsprosjekt knytt til eksperimentell pop, rock og improscenen. I fjor sleppte ho sitt debut-soloalbum «Water and Dreams» på Shadow World / Hot Salvation. Her tek ho med lyttaren inn i varierte emosjonelle landskap i eit fengslande og stemningsfullt lydbilde.

KILDER: 

Det Norske Teatret, 07,10,2025, https://www.detnorsketeatret.no/bakgrunnsartiklar/om-artistane-som-er-med-pa-festivalen, https://www.detnorsketeatret.no/framsyningar/dragonblood-festival, https://program.detnorsketeatret.no/den-internasjonale-fossefestivalen-2025/ver-deg-sjolv?_gl=1*41sv5o*_ga*MjA3MzQxMTc1Ny4xNzI4NzQxNTcw*_ga_BWZMY7L32S*czE3NTgyMTg4ODMkbzY3JGcxJHQxNzU4MjE4OTEwJGo1MSRsMCRoMA.., https://www.detnorsketeatret.no/bakgrunnsartiklar/om-artistane-som-er-med-pa-festivalen, https://www.detnorsketeatret.no/framsyningar/dragonblood, https://www.detnorsketeatret.no/framsyningar/paragliding-dragon

Ultima, 28.10.2025, https://www.ultima.no/nb/festival-2025-dragonblood

Manus er utarbeida i samarbeid med Ensemblet.

Andre gjesteartister:

DJ Trick 16.-17. september.