Knockout

Scena er ein boksering, der publikum kjem tett inn på og blir vitne til kampen for å overvinne seg sjølv, finne igjen håpet og kjempe seg ut av mørket.

Slått i golvet så ein trur, ein aldri skal reise seg igjen - to tårn som styrtar - ein krig - eit skot - eit tap - eit menneskeliv, merka for alltid. Den første kampen - den endelege kampen! Og kven er Muhammed Ali?
Lasse har mista bror sin, som soldat, drepen i Afghanistan. Kven har skulda og kva stiller ein opp mot avmakta og hatet mot dei andre? Barndommens uskyld er borte og røyndommen gjer vondt. Lasse sin fristad er bokseklubben, der møtet med den røynde boksetrenaren Maier, opnar opp for sorga, vreiden og hatet, men også for tru og tilgivnad. For trenaren blir møtet med Lasse til gjengjeld det slag, som skal til for at han kan stå ansikt til ansikt med si største frykt - fortida!

Knockout” handlar om ein gut i djup sorg og i eit vakum. Ein gut i kamp mot seg sjølv og for sin eigen sjølvtillit og ikkje minst sitt livs kamp til no, i bokseringen.
Framsyninga er eit godt utgangspunkt for å ta opp tema som rasisme, undertrykking og mobbing. Vidare kan ein ta opp tema som sorg og  angst for døden. Og ikkje minst tema sjølvtillit.

KILDER:

Hordaland Teater, hordalandteater.no, 19.05.11, http://www.hordalandteater.no/default.aspx?pageId=26