Ein sommars dag

På hjemmesiden til Det Norske Teatret står det bl.a. følgende om Ein sommars dag:

"Eit ungt ektepar har flytta frå storbylarmen til eit hus ved fjorden. Den siste tida har mannen forandra seg. Han er fjern og uroleg, og kvinna føler at noko er i vegen. Ein dag drar han ut på fjorden, slik han har for vane. Ho ventar og blir uroleg. Kvifor kjem han ikkje att?

'Det store fine huset
Det kvite fine huset'

Ein sommars dag er det andre teaterstykket av Jon Fosse som har urpremiere på Det Norske Teatret. Det fyrste, Nokon kjem til å komme, vart sett opp i 1996.

Menneskelege grunnsituasjonar

Teatersjef Vidar Sandem skriv i programmet for framsyniga: 'Sidan Jon Fosse debuterte som scenediktar med Og aldri skal vi skiljast i 1994, har ein tala og skrive mykje om hans særeigne språk, om at språket hans er heile scenekunsten. Eg er ikkje heilt samd i dette. Jau, Jon Fosse har eit særeige språk, si eiga røyst, det har alle gode diktarar. Men det som fascinerer meg hos Jon Fosse er måten å skildre menneske på, korleis han med sitt språklege klangapparat slår sine akkordar av menneskelege grunnsituasjonar og held dei opp framfor oss til dei står og dirrar på scenen.'

Gunnel Lindblom

Regien på Ein sommars dag er ved Gunnel Lindblom. Ho har ei lang og allsidig karriere bak seg, som skodespelar i film og på teater og som regissør. Ho debuterte på Göteborg Stadsteater i 1975, og er kjend frå store roller i fleire Bergman-filmar og som Ylajali i Henning Carlsens kjende filmatisering av Sult. Ho har vore tilsett som skodespelar og seinare instruktør ved Dramaten. Som filmregissør står ho bak ma. Paradistorg, Sally och friheten og Sommarkvällar på jorden. På Det Norske Teatret har ho tidlegare sett opp Det gode mennesket i Sezuan (1975)."

KILDER:

Repertoar på Det Norske Teatret 1913-2014. Overlevert Sceneweb 2015-09-08.

Det Norske Teatret, detnorsketeatret.no, 15.02.2013, http://www.detnorsketeatret.no/index.php?option=com_play&view=play&playid=317

Boka Teaterstykke 2, Det Norske Samlaget (2001)