Vakkert

På Det Norske Teatrets hjemmeside står blant annet dette om Vakkert:

"I Vakkert, som er eit samarbeid mellom DNT og Teatret Vårt i Molde, lar Fosse familien, Han, Ho og Dottera, reise heim på ferie til mor hans, som bur ved fjorden. Denne gongen har dei bestemt seg for å bli heile sommaren. Der møter dei den gamle Venen hans, som ikkje har kome seg ut av bygda, han bur enno heime hos mor si. Dei spelte i orkester saman i ungdommen og det var Venen som var kløpparen på gitar, men vi anar no at det er eit kunstnarsinn som held på å gå i frø. Han er på si side musikklærar i byen, men har heller ikkje drive det til noko. No ser dei fram til å friske opp att gamalt venskap og ta seg ein tur på fjorden, det seier dei i alle fall.

Idyll og oppbrot
Dottera forelskar seg i ein gut i bygda, dei svermar rundt naustet nede i fjøra. Der har også Mora og Venen stemnemøte, medan Han sit heime i hagen og klunkar på gitaren. Det er sommar og vakkert, men under idyllen ligg det ei stemning av oppbrot på mange plan og spenningar mellom dei ulike personane som ikkje nødvendigvis er særleg vakre. Mora prøver å halde i trådane, men ikkje alt lar seg styre dit ho vil. Brått vil ikkje Ho vere der lenger, dei vaksne drar, men jenta blir verande att.

(...)

Dette er Kai Johnsens tiande Fosseoppsetjing, ni av dei har vore norske urpremièrar. Av dei tolv norske urpremièrane er det berre dei to Fosseproduksjonane på DNT og ein på Rogaland Teater som har hatt andre instruktørar, Nokon kjem til å komme 1996 (Otto Homlung), Ein sommars dag 1999 (Gunnel Lindblom) og Vinter 2000 (Marit Grønhaug). Dette nære og så omfattande samarbeidet mellom dramatikar og instruktør er, i alle fall i norsk samanheng, eit særsyn og kastar i seg sjølv lys over mange interessante spørsmål. Stillinga til den nye norske dramatikken i norsk teater, det å bli sett utanfor landegrensene, forfattarens røyst i teatret, instruktørens skapande prosjekt, institusjonane si evne til nyskaping osb. Same kva ein måtte meine om den nesten hegemoniske Fossetradisjonen i Noreg, så har det vore svært interessant og gjevande å følgje denne rivande reisa gjennom sju gode år, og norsk teater må prise seg lykkeleg over dette kunstnarmøtet."

KILDER:

Repertoar på Det Norske Teatret 1913-2014. Overlevert Sceneweb 08.09.2015.

Det Norske Teatret om Vakkert, www.detnorsketeatret.no, 09.11.2012, http://www.detnorsketeatret.no/index.php?option=com_play&view=play&playid=263

Sceneweb om Heddaprisen 2001, www.sceneweb.no, 08.11.2012, http://www.sceneweb.no/nb/awarding/23910/Heddaprisen_2001-2001